Presidenti Stevo Pendarovski dhe Presidenti i Republikës Federative të Gjermanisë, Frank-Valter Shtajnmajer sot e vizituan Çarshinë e vjetër të Shkupit, si pjesë kulturore-historike e Shkupit dhe simbol i shoqërisë multietnike maqedonase.
Të dy presidentët e vizituan punëtorinë për filigran dhe u njohën me mënyrën e përpunimit të kësaj bizhuterie unike, ndërsa aty pjesë e pandashme ishin edhe eksponatet e rubinit maqedonas.
Në Suli Han, presidentët biseduan me studentët e Fakultetit të arteve bukura, në UKEM dhe vizituan një nga studiot ku mbahen ligjëratat e tyre.
Presidentët Pendarovski dhe Shtajnmajer qëndruan edhe në Galerinë nacionale Çifte Hamam, ku u takuan me Hatixhe Muratovën dhe ndoqën inserte të filmit “Vendi i mjaltit”.
Presidenti Stevo Pendarovski është nikoqir i Presidentit të Republikës Federative të Gjermanisë, Frank-Valter Shtajnmajer, i cili është në vizitë zyrtare dyditore në Republikën e Maqedonisë së Veriut.
