Presidentja Gordana Siljanovska Davkova sot i mirëpriti ambasadoren e Ukrainës Larisa Dir.
Në këtë takim u shpreh kënaqësia mbi marrëdhëniet tradicionale miqësore, të bazuara në respektin dhe mirëkuptimin e ndërsjellë. Presidentja Siljanovska Davkova e theksoi përkushtimin e saj për thellimin e bashkëpunimit në të gjitha fushat e interesit të përbashkët, duke rikonfirmuar mbështetjen për Ukrainën kundër agresionit rus, i cili minon sigurinë dhe stabilitetin global evropian.
Të dy bashkëfolëset shkëmbyen mendime mbi përcaktimet dhe perspektivat strategjike të dy shteteve, duke theksuar nevojën për ndihmë të mëtejshme të ndërsjellë, shkëmbimin e përvojave dhe ekspertizës. Presidentja Siljanovska Davkova theksoi mbështetjen maqedonase për Ukrainën në rrugën e saj drejt Bashkimit Evropian dhe NATO-s.
Ambasadorja Dir e përgëzoi për zgjedhjen Presidenten Siljanovska Davkova dhe i uroi zbatim të suksesshëm të funksionit.
