Presidentja Gordana Siljanovska Davkova sot në Shkup realizoi takim me ministrin e Punëve të Jashtme të Republikës së Turqisë, Hakan Fidan, i cili po merr pjesë në Samitin e krerëve të shteteve dhe qeverive të pjesëmarrësve në Procesin e bashkëpunimit në Evropën Juglindore.
Në takim ishin shkëmbyer mendime për marrëdhëniet e përgjithshme bilaterale mes dy shteteve, të cilat mirëmbajnë marrëdhënie tradicionalisht miqësore, me zhvillimin e bashkëpunimit në disa sfera me interes të ndërsjellë, në frymën e partneritetit strategjik dhe aleancës në Aleancën NATO.
Presidentja Siljanovska Davkova falënderoi për mbështetjen e gjithanshme që Turqia i jep vendit tonë, si në planin bilateral ashtu edhe në atë multilateral dhe shprehu pritjen që ajo të vazhdojë edhe në të ardhmen.
Në takim u theksua edhe roli i rëndësishëm i komunitetit turk në vend, i cili forcon edhe më tej lidhjet e mira me Turqinë.
Presidentja Siljanovska Davkova dhe ministri Fidan shkëmbyen mendime dhe informacione për gjendjen aktuale në rajonin e gjerë, si dhe për sfidat lidhur me aspiratat e Maqedonisë për anëtarësim në Bashkimin Evropian.
