Presidentja Gordana Siljanovska-Davkova e priti në takim lamtumirës ambasadoren e Mbretërisë së Suedisë, Ami Larson Xhain, duke e falënderuar për përkushtimin dhe kontributin e saj në avancimin e marrëdhënieve dhe bashkëpunimit suedezo-maqedonas.
Të dyja konfirmuan marrëdhëniet tradicionalisht të mira midis dy vendeve, me ç’rast presidentja Siljanovska-Davkova theksoi se përforcimi i marrëdhënieve politike, ekonomike, kulturore, arsimore e të tjera me Mbretërinë e Suedisë mbetet prioritet i politikës sonë të jashtme.
Duke theksuar se i paraqiste një nder për të që e përfaqësonte Suedinë dhe bashkëpunonte me përfaqësues të institucioneve dhe organizatave maqedonase, si dhe miqësohej me qytetarët maqedonas, ambasadorja Ami Larson Xhain falënderoi për mikpritjen dhe theksoi cilësinë e jashtëzakonshme të komunikimit me presidenten Gordana Siljanovska-Davkova.
Presidentja Siljanovska-Davkova ka shprehur respekt të veçantë ndaj personalitetit dhe rezultateve të punës së ambasadores Ami Larson Xhain, duke i uruar shëndet të mirë dhe suksese të reja në angazhimet e saja të ardhshme profesionale dhe personale.
