Presidentja Gordana Siljanovska Davkova sot e mirëpriti ambasadorin e Mbretërisë së Bashkuar të Britanisë së Madhe dhe Irlandës së Veriut, Metju Loson.
Në këtë takim u shkëmbyen mendime mbi marrëdhëniet e përgjithshme bilaterale midis dy shteteve, ku Presidentja Siljanovska Davkova theksoi se shteti ynë i kushton rëndësi të veçantë zhvillimit të marrëdhënieve miqësore dhe bashkëpunimit me Mbretërinë e Bashkuar, duke përfshirë edhe bashkëpunimin në aleancën në NATO.
Presidentja Siljanovska Davkova tregoi gatishmërinë e saj për përparimin e mëtejshëm të bashkëpunimit bilateral me Mbretërinë e Bashkuar në të gjitha sferat e interesit të përbashkët.
Presidentja Siljanovska Davkova theksoi se si shtet e vlerësojmë veçanërisht mbështetjen britanike në përmbushjen e qëllimit strategjik – anëtarësimit në Bashkimin Evropian, që vazhdoi edhe pas Bregzitit.
Ambasadori Loson i dorëzoi Presidentes Siljanovska Davkova urimin e Mbretit Çarlsi i Tretë me rastin e marrjes së detyrës, ku dërgon urimet më të sinqerta për zgjedhjen e saj.
“Jam i bindur se do ta jepni të gjithë kapacitetin Tuaj gjatë mandatit Tuaj si President për ballafaqimin me sfidat e mëdha të kohës sonë duke filluar nga ballafaqimi me ndryshimet klimatike deri në thellimin e integrimit euroatlantik të Maqedonisë së Veriut. Jam shumë i kënaqur që dy vendet tona kanë vendosur marrëdhënie të forta tregtare dhe bilaterale. Si rrjedhim, shpresoj se gjatë vendimit Tuaj si President marrëdhëniet, të cilat tashmë janë kaq të afërta, do të thellohet edhe më tej”, thuhet në urimin e Mbretit Çarlsi i Tretë.
