Presidenti Stevo Pendarovski sot e nënshkroi dekretin për shpalljen e Ligjit për përdorimin e gjuhës maqedonase, që të premte e miratoi Kuvendi i Republikës së Maqedonisë së Veriut.
Ligji i miratuar do të kontribuojë për ngritjen e kulturës gjuhësore, kultivimin dhe mbrojtjen e gjuhës standarde maqedonase dhe alfabetin e saj cirilik, për afirmimin e përdorimit të kujdesit të zmadhuar shoqëror dhe individual për përdorimin e drejtë të gjuhës maqedonase në komunikimin publik dhe zyrtar si dhe për respektimin dhe përparimin e standardit gjuhësor.
Presidenti Pendarovski pret që zbatimi i ligjit do të kontribuojë për tejkalimin e gjendjeve alarmante në lidhje me përdorimin jo si duhet të gjuhës maqedonase dhe alfabetit të saj cirilik, dhe për kujdesin e zmadhuar, të organizuar dhe sistematik të shtetit për përdorimin e drejtë të saj.