Presidentja Gordana Siljanovska Davkova e mirëpriti Stojan Nikollov, nënkryetarin e Diasporës së Bashkuar Maqedonase (DBM).
Në këtë takim u bisedua mbi rëndësinë e marrëdhënieve midis diasporës dhe shtetit amë, me theks të veçantë në përforcimin e lidhjeve kulturore, ekonomike dhe arsimore.
Presidentja Siljanovska Davkova shprehu mbështetje, respekt dhe falënderim për aktivitetet e DBM-së në promovimin dhe ruajtjen e identiteti dhe kulturës maqedonase në mbarë botën.
Presidentja Siljanovska Davkova e theksoi përkushtimin ndaj diasporës dhe mundësitë për hapjen e horizonteve të reja për bashkëpunim dhe zhvillim që do të kontribuojë në përforcimin e pranishmërisë dhe ndikimin maqedonas në nivel global.
Në këtë kontekst, Presidentja Siljanovska Davkova i prezantoi përpjekjet e veta për formimin e Këshillit Nacional për Bashkëpunim me Diasporën që do të punojë në koordinimin, konkretizimin dhe thellimin e lidhjeve me diasporën në kërkim të zgjidhjeve më të mira për përfshirjen e saj në zhvillimin shkencor, arsimor, kulturor, ekonomik dhe tjetër të shtetit. Presidentja Siljanovska Davkova shprehu dëshirë dhe përkushtim për përfshirjen e të rinjve nga diaspora në punën e Këshillit të të Rinjve.
Ajo e theksoi rëndësinë e diasporës për indin nacional maqedonas, si pjesë e pandashme e tij, ambasador në SHBA dhe institucione e tij politike, lobist për kauzën maqedonase dhe promotore e traditës nacionale.
Në këtë takim u theksua edhe mbështetja për realizimin e projekteve që do t’i përforcojnë lidhjet e shtetit me diasporën e vet, me theks në vizionin e përbashkët për të ardhmen në të cilën maqedonasit, pa marrë parasysh se ku jetojnë, do të jenë të bashkuar rreth përpjekjeve për promovimin e kulturë, gjuhës dhe identitetit të përbashkët dhe rreth zhvillimit të shtetit amë.
