Presidentja Gordana Siljanovska Davkova, sot në Ohër e mirëpriti gjeneralmajorin Gregori Najt, komandantin e Gardës Nacionale të Vermontit dhe zëvendësambasadoren e SHBA-së, Nikoll Varns.
Në këtë takim u diskutua mbi bashkëpunimin e përgjithshëm të shtetit tonë me Gardën Nacionale të Vermontit, si pjesë e rëndësishme e partneritetit strategjik me SHBA-në dhe mbështetjen e vazhdueshme që SHBA-ja ia kan dhënë që nga fillimi i pavarësisë për integrimin euroatlantik shtetit tonë, zhvillimit e tij demokratik, sigurisë dhe stabilitetit.
Presidentja Siljanovska Davkova shprehu mirënjohjen e saj për mbështetjen e projekteve në modernizimin dhe pajisjen e Armatës dhe e theksoi rolin e rëndësishëm që Garda Nacionale e Vermontit e kishte në përmbushjen e standardeve të NATO-s dhe hyrjen e shtetit në Aleancë.
Presidentja Siljanovska Davkova i përshëndeti synimet për të zgjeruar më tej bashkëpunimin me Gardën Nacionale të Vermontit për të përforcuar aftësitë tona të mbrojtjes dhe sigurisë.
Në takim u diskutua edhe mbi bashkëpunimin brenda aleancës së NATO-s dhe situatën në rajonin më gjerë, në kontekst të agresionit rus kundër Ukrainës. Presidentja Siljanovska Davkova е rikonfirmoi përkushtimin e shtetit që të kontribuojë, në përputhje me mundësitë dhe kapacitetet në ballafaqimin me kërcënimet e përbashkëta.
