Presidentja Gordana Siljanovska Davkova sot i pranoi letrat kredenciale të ambasadorit të porsaemëruar të Republikës së Zambias, me seli në Ankara, Uilliam Majpambe Sikazve.
Në ceremoninë e dorëzimit të letrave kredenciale, Presidentja Siljanovska Davkova vlerësoi se emërimi i ambasadorit jorezident të Republikës së Zambias në vendin tonë hap mundësi shtesë për punë të përbashkët më të angazhuar në zbulimin e fushave të reja për bashkëpunim, si dhe për shkëmbimin e përvojave dhe praktikave të mira në arsim, në ruajtjen e mjedisit natyror dhe biodiversitetit, në arritjen e zhvillimit të qëndrueshëm dhe të mirëqenies për brezat e tanishëm dhe të ardhshëm.
Ambasadori Sikazve në fjalën e tij në ceremoninë e dorëzimit të letrave kredenciale e theksoi përkushtimin e Zambias për të nxitur bashkëpunimin bilateral me shtetin tonë, në të gjitha sferat me interes të ndërsjellë, me theks të veçantë mbi mundësitë për zhvillimin e bashkëpunimit ekonomik, tregtar dhe investues.
Presidentja Siljanovska Davkova i uroi suksese ambasadorit të porsaemëruar Sikazve në zbatimin e detyrës me përgjegjësi.
