Претседателката Гордана Сиљановска-Давкова, утре – 14 октомври 2025 година, вторник, ќе биде домаќинка на претседателот на Република Словачка, Петер Пелегрини, кој ќе престојува во официјална посета на земјава.
Словачкиот претседател ќе биде пречекан со највисоки државни и воени почести на церемонија во Кабинетот на претседателот, по што ќе следи тет-а-тет средба на претседателите, а потоа и пленарен состанок на македонската и словачката делегација.
Во рамки на официјалната посета, претседателот на Република Словачка ќе положи венец на гробот на Гоце Делчев во црквата „Св. Спас“ во Скопје.
ПРОГРАМА: вторник, 14 октомври 2025 година
- 10:30 часот – Официјална церемонија на пречек со највисоки државни и воени почести
- 10:45 часот – Тет-а-тет средба
- 11:15 часот – Пленарен состанок на делегациите
- 11:55 часот – Потпишување на Меморандум за соработка во областа на економијата од страна на министерот за надворешни работи и надворешна трговија, Тимчо Муцунски и државниот секретар во словачкото Министерство за економија, Владимир Шимоњак
- 12:10 часот – Заедничка прес-конференција на претседателката Сиљановска-Давкова и претседателот Пелегрини.
Ги покануваме акредитираните медиумски екипи во Кабинетот на претседателот во 09:45 часот.
