Presidenti Stevo Pendarovski sot e mirëpriti Angelina Ajhorst, drejtoreshën ekzekutive për Evropën dhe Azinë Qendrore në Shërbimin evropian për punë të jashtme (EEAC).
Në këtë takim u shkëmbyen informacione mbi gjendjet aktuale politike në vend dhe në rajon, si edhe mbi negociatat aderuese për anëtarësim në BE dhe proceset reformuese, si edhe mbi perspektivën evropiane të shteteve të Ballkanit Perëndimor.
Presidenti Pendarovski theksoi se Maqedonia e Veriut mbetet e përkushtuar në zbatimin e reformave të domosdoshme.
Në takim u fol edhe mbi rëndësinë e përparimit të mëtejshëm të bashkëpunimit rajonal në drejtim të sigurimit të paqes, sigurisë dhe prosperitetit të të gjithë rajonit, si dhe mbi nevojën për përfshirjen e rajonit në të gjitha iniciativat e udhëhequra nga Bashkimi Evropian.
