Presidenti Stevo Pendarovski sot u takua me Presidentin e Republikës së Shqipërisë, Bajram Begaj.
Në takim u shpreh kënaqësia nga dialogu i vazhdueshëm politik, si dhe nga zhvillimi i marrëdhënieve bilaterale midis dy shteteve, ku u theksua përkushtimi i ndërsjellë në marrëdhëniet e mira fqinjësore.
Të dy presidentët theksuan se si aleatë në NATO, të dy shtetet janë të përgatitura për përparimin e bashkëpunimit të ndërsjellë, me qëllim të kontribuojnë më aktivisht në prosperitetin, stabilitetin dhe sigurinë e rajonit dhe të bashkësisë euroatlantike.
Presidenti Pendarovski dhe Presidenti Begaj shkëmbyen mendime dhe informacione për integrimet evropiane, si dhe për rezultatin e Samitit të Këshillit Evropian në Bruksel. Ata e konstatuan nevojën për zhbllokim të proceseve, si dhe për vazhdimin e proceseve reformuese në të dyja shtetet.