Presidenti Stevo Pendarovski sot e mirëpriti Stefan Dion, të dërguarin special të Kanadasë për Bashkimin Evropian dhe Evropën.
Në këtë takim janë konfirmuar miqësia dhe lidhjet e mira bilaterale midis Maqedonisë së Veriut dhe Kanadasë.
Bashkëfolësit shkëmbyen mendime dhe informacione mbi gjendjen e sigurisë në rajon dhe në Evropë ku Presidenti Pendarovski e njohu bashkëfolësin me rrjedhën e eurointegrimeve maqedonase.
Në takim u theksuan partneritetet e fuqishme multilaterale midis Maqedonisë së Veriut dhe Kanadasë, sidomos në suazat e NATO-s dhe u shpreh interesi për zgjerim të bashkëpunimit në fushat e interesit të veçantë.