Presidentja Gordana Siljanovska Davkova sot e mirëpriti Bjorn Gabriel, përfaqësuesin e Bankës Evropiane Investuese (BEI).
Në këtë takim u bisedua mbi aktivitetet e përgjithshme të BEI-t në shtetin tonë.
Presidentja Siljanovska Davkova vlerësoi se hapja e zyrës përfaqësuese të BEI-t në Shkup në vitin 2022 tregon përkushtimin për përparimin e mbështetjes këshillimore dhe financiare të grupit, i cili deri më tani ka investuar mbi 1 miliard euro në zhvillimin ekonomik dhe social të shoqërisë maqedonase.
Presidentja Siljanovska Davkova e falënderoi BEI për mbështetjen e saj afatgjatë nëpërmjet financimit të ndërmarrjeve të vogla dhe të mesme, projekteve të transportit, energjisë dhe infrastrukturës dhe shprehu besimin se grupacioni do të vazhdojë të jetë partner i besueshëm në zhvillimin e mëtutjeshëm të shtetit, duke përfshirë edhe procesin e anëtarësimit në Bashkimin Evropian.
