Presidenti Stevo Pendarovski sot e mirëpriti kryeministrin e Irlandës, Leo Varadkar, i cili është në vizitë zyrtare në Republikën e Maqedonisë së Veriut.
Në takim u përshëndet tridhjetëvjetori i vendosjes së marrëdhënieve diplomatike midis dy vende, ku u theksua se ekziston një nivel i mirë i dialogut politik.
Të dy bashkëfolësit i konfirmuan marrëdhënie miqësore midis Maqedonisë së Veriut dhe Irlandës, përkushtimin e ndërsjellë për përparimin e dialogut politika, si dhe përpjekjet për bashkëpunim bilateral më intensiv dhe gjithëpërfshirës.
Në lidhje me perspektivën evropiane të vendit tonë, Presidenti Pendarovski theksoi se Maqedonia e Veriut e vlerëson shumë mbështetjen e vazhdueshme, të hapur dhe të zëshme të Irlandës për procesin tonë eurointegrues dhe ndihmën në përmbushjen e agjendës, si dhe për qëndrimin e tyre parimor në raport me zgjerimin e BE-së.
Të dy bashkëfolësit biseduan edhe mbi ngjarjet aktuale rajonale dhe mbi rëndësinë e perspektivës evropiane për vendet e rajonit, si çështje strategjike dhe çështje e sigurisë.