Presidentja Gordana Siljanovska Davkova mori vendim për përbërjen dhe për emërimin e kryetarit dhe anëtarëve të Komisionit të Dekoratave dhe të Mirënjohjeve.
Kryetar i Komisionit është emëruar prof. dr. Valentin Mirçeski, kurse anëtarë të Komisionit janë emëruar prof. dr. Gëzime Starova, dr. Samuel Sadikario, dr. Andrijana Janevska, mr. Ana Durllovski, mr. Reshat Ameti, mr. Gena Teodosievska, Dejan Georgievski, Zharko Bashevski, Olivera Nakovska Bikova dhe Vesna Petrushevska.
Komisioni i Dekoratave dhe Mirënjohjeve e përbëjnë individë të cilët gjatë karrierës së vet profesionale kanë arritje të rëndësishme dhe reputacion të lartë në shoqërinë maqedonase. Ata janë ekspertë të njohur, të cilët me punimet dhe arritjet e veta janë shquar në fusha të ndryshme të jetës shoqërore siç janë shkenca, kultura, arti, arsimi, shëndetësia, sporti.
