Presidenti Stevo Pendarovski sot e mirëpriti Lordin Stjuart Piç, përfaqësuesin special të Mbretërisë së Bashkuar për Ballkanin Perëndimor.
Në këtë takim u konfirmua partneriteti dhe miqësia shumë vjeçare midis Republikës së Maqedonisë së Veriut dhe Mbretërisë së Bashkuar e cila reflektohet nëpërmjet mbështetjes së përhershme britanike për çështjet kryesore nga pavarësia jonë deri më sot, kurse marrëdhëniet bilaterale karakterizohen nga dialogu dinamik politik i nivelit të lartë.
Bashkëfolësit shkëmbyen mendime dhe informacione mbi çështjet aktuale lidhur me integrimin e vendit tonë në Bashkimin Evropian, mbi bashkëpunimin dhe veprimin e të dy shteteve në suazat e Aleancës së NATO-s, mbi situatën e sigurisë në rajon dhe Evropë në kontekstin e luftës në Ukrainë, si dhe mbi çështjet bilaterale të interesit të ndërsjellë.
