Në suazat e aktivitetit Kabinet i hapur, sot Kabinetin e Presidentit e vizituan nxënësit e shkollave të mesme: SHMQSH “Shaip Jusuf”, SHMQSH “Marija Skllodovska Kiri” dhe SHMQSH “Llazar Tanev” që marrin pjesë në Programin e liderëve të rinj nga bashkësitë e margjinalizuara, qëllimi i të cilit është zhvillimi dhe përparimi i lidershipit në shoqërinë qytetare në Maqedoninë e Veriut.
Vizitorët kanë mundësi të takohen me Presidentin Pendarovski dhe të bisedojnë për planet e tyre të ardhshme arsimore dhe përcaktimet profesionale, kurse i shkëmbyen rrëfimet dhe përvojat e veta nga realizimi i deritanishëm i pesë projekteve në suazat e programit, që realizohen mbi disa fusha sociale.
Presidenti Pendarovski e përshëndeti aktivitetin e tyre, duke shprehur bindjen se angazhimet e tilla kanë kontribut pozitiv në proceset shoqërore.
Gjatë qëndrimit në Kabinet, nxënësit kanë mundësi të vizitojnë edhe hapësirat ku realizohen takimet zyrtare dhe të punës, sallat ku mbahen takime, solemnitete, evenimente dhe konferenca për shtyp, si dhe ta shikojnë diptikun impozant “Maqedonia – vend i ndritshëm” dhe “Maqedonia kujton” të akademikut Gligor Çemerskit, të vendosur në të dy muret e sallës Mozaik.