Kabineti i Presidentit të Republikës së Maqedonisë së Veriut, në suazat e aktivitetit Kabinet i hapur sot e vizituan nxënësit e SHMK “Kole Nedellkovski” nga Velesi dhe nga SHFK “Dimitar Milladinov” nga Shkupi.
Nxënësit u takuan dhe biseduan me Presidentin Pendarovski mbi kompetencat e tij, mbi obligimet që dalin nga funksioni i Presidentit, si dhe mbi aktivitetet e rregullta. Në këtë takim, ata i shkëmbyen interesat në suazat e procesit arsimor, në kontekst të përcaktimeve të tyre të ardhshme profesionale.
Vizitorët i panë hapësirat e punës në Kabinet ku mbahen vizitat dhe takime speciale si edhe Sallën Mozaik në të cilën është vendosur diptiku impozant “Maqedonia – vend i ndritur” dhe “Maqedonia kujton”, vepër e një prej artistëve më të rëndësishëm maqedonas, akademikut Gligor Çemerski. Nga të punësuar u njohën me mënyrën e funksionimit të këtij institucioni.
Kabineti i hapur si pjesë e projektit “Ballë për ballë me Presidentin”, mundëson takime të drejtpërdrejta të qytetarëve me Presidentin Stevo Pendarovski. Në periudhën e kaluar Kabinetin e kanë vizituar qytetarë të moshave dhe profesioneve të ndryshme, studentë nga vendi dhe nga jashtë, si edhe nxënës të shkollave nëntëvjeçare dhe të mesme.
