Kabinetin e Presidentit Stevo Pendarovski, sot në suazat e Kabinetit të Hapur e vizituan nxënësit e SHKN “Petar Pop Arsov” dhe të SHKN “Aleksandër Maqedonski” nga Shkupi.
Gjatë qëndrimit në Kabinet, nxënësit u takuan dhe biseduan me Presidentin Pendarovski mbi obligimet e tij të përditshme dhe mbi kompetencat e Presidentit, kurse i shprehën edhe interesat dhe dëshirat e tyre për përcaktimin e ardhshëm profesional.
Vizitorët u njohën edhe me një pjesë të të punësuarve në Kabinet dhe u informuan mbi historinë e Vilës “Vodno”, për një pjesë të aktiviteteve që zhvillohen, si dhe me mënyrën e funksionimit të këtij institucioni. Ata i vizituan edhe hapësirat ku realizohen takimet zyrtare dhe të punës, solemnitetet dhe konferencat për shtyp.
Projekti “Kabinet i hapur”, mundëson vazhdimisht që të gjithë qytetarët dhe institucionet e interesuara ta vizitojnë Kabinetin dhe të takohen me Presidentin Pendarovski. Këtë institucione deri më tani e kanë vizituar mijëra qytetarë të moshave, profesioneve të ndryshme, studentë nga vendi dhe jashtë, si dhe nxënës të shkollave nëntëvjeçare dhe të mesme.
