Presidenti Stevo Pendarovski, sot në “Vilën Biljana” në Ohër, u takua me Presidentin e Republikës së Sllovenisë, Borut Pahor, në suazat e “Prespa Forumi për dialog”, i cili nga 16 qershori deri më 18 qershor 2022 po mbahet me mbështetje nga Presidenti i Republikës së Maqedonisë së Veriut.
Në këtë takim janë riafirmuar marrëdhëniet e përkryera bilaterale pa çështje të hapura, të bazuara në miqësinë tradicionale q cila këtë vit është shënuar në mënyrë solemne me rastin e 30-vjetorit të vendosjes së marrëdhënieve diplomatike midis Maqedonisë së Veriut dhe Republikës së Sllovenisë.
Presidenti Pendarovski e përshëndeti formimin e Qeverisë së re sllovene, duke theksuar bindjen e vet se do të vazhdojë aleanca e fuqishme e strategjike, partneriteti dhe bashkëpunimi i shumëvjeçar konstruktiv midis dy vendeve. Ai e falënderoi për mbështetjen konsistente konstruktive në plan bilateral, rajonal dhe ndërkombëtar, sidomos të zëshëm gjatë kryesimit të Sllovenisë me Këshillin e BE-së. Prioritizimi i çështjes për integrimin evropian të rajonit është gjithmonë në krye të agjendës së politikës së jashtme sllovene, tha Presidenti Pendarovski.