Presidenti Stevo Pendarovski, sot e mirëpriti Pepo Levin, kryetarin e ri të Bashkësisë Hebraike.
Në këtë takim, Presidenti Pendarovski u ka dërguar urime për emërimin e Pepo Levit për kryetar të Bashkësisë Hebraike dhe e ka theksuar angazhimin e vet për bashkëpunim me Bashkësinë Hebraike, si dhe me bashkësitë e tjera fetare në Republikën e Maqedonisë së Veriut, në interes të mirëkuptimit dhe respektimit të dallimeve si një nga vlerat themelore në shoqërinë tonë.
Presidenti Pendarovski duke e theksuar rolin e udhëheqësve të bashkësive fetare në kultivimin e bashkëjetesës, si një kusht i rëndësishëm për prosperitet dhe përparim, shprehu pritjen se kryetari i ri dhe të gjithë përfaqësuesit e Bashkësisë Hebraike, si edhe deri më tani, ashtu edhe në të ardhmen do të vazhdojnë të japin një kontribut të rëndësishëm në të ardhmen tonë të përbashkët.
Në këtë takim u fol edhe mbi aktivitetet e Bashkësisë Hebraike, si dhe për planet dhe angazhimet e tyre të ardhshme.
