Me rastin e festimit të festës shtetërore 2 Gusht, Ilinden – Dita e Republikës, përfaqësues nga Kabineti i Presidentit të Republikës së Maqedonisë së Veriut vendosën lule pranë përmendoreve në Shkup, Krushevë dhe Smilevë.
Në Shkup, sekretari i Përgjithshëm i Kabinetit të Presidentit, Mile Boshnjakovski, vendosi lule të freskëta pranë përmendores së KAÇKM-së në parkun “Gruaja luftëtare”, pranë përmendores së Nikolla Karevit para Kuvendit të Republikës së Maqedonisë së Veriut, pranë përmendores së Metodija Andonov – Çentos në sheshin “Maqedonia” dhe pranë përmendores “Fuqi, Lavdi dhe Fitore” në kalanë Kale.
Në Krushevë, përfaqësues i Kabinetit të Presidentit vendosi lule pranë varrit të Nikolla Karevit, pranë përmendores së heronjve në vendin “Sliva” dhe në Meçkin Kamen.
Në Smilevë, përfaqësues i Kabinetit të Presidentit vendosi lule pranë Tumës së Dame Gruevit, pranë përmendores së ilindenasve nga Smileva dhe pranë pllakës përkujtimore të batalionit partizan “Dame Gruev”.
