Presidenti Stevo Pendarovski më 16 dhe 17 janar 2024 do të marrë pjesë në Takimin e 54-t vjetor të Forumit botëror ekonomik, me titull “Ripërtërimi i besimit” që mbahet në Davos, Konfederatën Zvicerane.
Është paraparë që Presidenti Pendarovski të marrë pjesë në sesionin “Dialogu diplomatik për Ballkanin Perëndimor”, në takimin joformal të liderëve ekonomike botërorë “Kthimi i besimit në sistemin global” dhe në mbrëmjen zyrtare “Ndërtimi i Evropës së të nesërmes”.
Në takimin e sivjetshëm të Forumit ekonomik botëror në Davos është paraparë pjesëmarrje e mbi 100 shefave të shteteve dhe qeverive, përfaqësuesve të organizatave ndërkombëtare udhëheqëse, si dhe të përfaqësuesve të shoqërisë qytetare, ekspertëve, përfaqësuesve të rinj, sipërmarrësve socialë dhe shtëpive gazetareske.
