Presidentja Gordana Siljanovska Davkova sot e mirëpriti përfaqësuesin e përhershëm të Programit për Zhvillim të Kombeve të Bashkuara – UNDP, Armen Grigorjan.
Në këtë takim u fol mbi bashkëpunimin dhe aktivitetet e UNDP-së dhe Presidentja Siljanovska Davkova shprehu kënaqësinë për partneritetin shumëvjeçar dhe të besueshëm me UNDP-në, e cila në bashkëpunim me institucionet maqedonase, komunat dhe shoqërinë qytetare japin një kontribut të rëndësishëm në zhvillimin e përgjithshëm në vendin tonë.
Në këtë kontekst, Presidentja theksoi se i vlerëson shumë angazhimin dhe iniciativat e UNDP-së në fushat e ndryshme thelbësore, siç janë zhvillimi ekonomik, përfshirja sociale, barazia gjinore, përforcimi institucional, mbrojtja e mjedisit jetësor, lehtësimi i ndryshimeve klimatike dhe përfshirja rinore në proceset e vendimmarrjes dhe krijimit të politikave.
Në këtë takim u konstatua se aktivitetet me prioritet të UNDP-së në vendin tonë për periudhën 2021-2025 janë harmonizuar në mënyrë të përkryer me prioritetet nacionale maqedonase, të bazuara në parimet për zhvillim të qëndrueshëm dhe tërësisht në përputhje me procesin e aderimit në Bashkimin Evropian.
