Presidentja Gordana Siljanovska Davkova sot e mirëpriti ambasadoren e Shteteve të Bashkuara të Amerikës, Anxhela Ageler.
Në këtë takim u bisedua mbi mundësitë për përforcimin e bashkëpunimit midis dy vendeve, mbi integrimet maqedonase euroatlantike, si dhe mbi potencialet që i ofron Dialogu strategjik për konkretizimin e bashkëpunimit bilateral midis dy vendeve.
Presidentja Siljanovska Davkova e falënderoi për mbështetjen e tërësishme nga SHBA-ja dhe e theksoi gatishmërinë për thellimin e mëtejshëm të miqësisë maqedonase-amerikane dhe mbështetjen e ndërsjellë në drejtim të realizimit të qëllimeve të jashtme politike maqedonase.
Në këtë kontekst, Presidentja theksoi se si partner stabil dhe aleat i dëshmuar i SHBA-së në Aleancën e NATO-s, mbetemi të fokusuar në përcaktimet e përbashkëta për sigurinë, lirinë dhe prosperitetin demokratik, me pjesëmarrje aktive në aktivitetet e përbashkëta në luftën kundër terrorizmit dhe kundër kërcënimeve të tjera mbi paqen në botë.
Duke theksuar se eurointegrimet kanë ndikim pozitiv për konsolidimin demokratik dhe ekonomik të vendeve të rajonit, Presidentja e theksoi nevojën për integrim të përshpejtuar evropian. Në atë drejtim, ajo tha se procesi aderues për anëtarësim në BE duhet të vlerësohet në mënyrë meritore dhe nuk duhet të durojë presione politike nga shtet të tjera anëtare.
Në këtë takim, Presidentja e theksoi rolin dhe mbështetjen e SHBA-së në intensifikimin e proceseve reformuese dhe theksoi se vendi mbetet edhe mandej i përkushtuar në zbatimin e reformave për sundimin e të drejtës, luftën kundër korrupsionit dhe ndaj reformave në sektorin e sigurisë, si disa prej prioriteteve tona më të larta.
Të dyja bashkëbisedueset shkëmbyen mendime edhe për rezultatin e Samitit të paqes në Ukrainë, mbi ndikimet dhe ngjarjet e sigurisë në rajon, si edhe mbi politikat në interes të garantimit të paqes, stabilitetit dhe prosperitetit të rajonit më të gjerë.
