Presidentja Gordana Siljanovska Davkova sot e mirëpriti ambasadorin e Republikës Popullore të Kinës, Xhang Xuo.
Në këtë takim u konstatua se marrëdhëniet bilaterale ndërmjet dy shteteve bazohen në miqësinë dhe bashkëpunimin në të gjitha fushat me interes të ndërsjellë, kurse Presidentja Siljanovska Davkova shprehu gatishmërinë për zgjerimin e mëtejmë të bashkëpunimit bilateral dhe thellimin e miqësisë maqedonase-kineze gjatë mandatit të saj. Ajo e rikonfirmoi qëndrimin maqedonas për respektimin e politikës “Kina e vetme”.
Bashkëfolësit shprehën pritshmërinë se do të vazhdojnë të zhvillojnë dhe përmirësojnë marrëdhëniet e ndërsjella në të gjitha sferat me interes të përbashkët, sidomos në fushën e tregtisë dhe projekteve infrastrukturore kapitale, si dhe theksuan mundësitë për zgjerimin e bashkëpunimit ekonomik dhe turizmit. Në këtë kontekst, Presidentja theksoi se është e nevojshme që afaristët maqedonas të njihen më mirë me normativën, dispozitat dhe funksionimin e tregut kinez, në mënyrë që të rritet eksporti në Kinë.
Presidentja Siljanovska Davkova dhe ambasadori kinez Xuo diskutuan edhe mbi rolin dhe ndikimin e Republikës Popullore të Kinës në botë, si dhe në rajonin tonë, sidomos në kontekstin e ekonomisë, kurse shkëmbyen mendime dhe informacione mbi qëndrimet e politikës së jashtme kineze.
