Presidentja Gordana Siljanovska Davkova sot e mirëpriti Kristina Nikollovskën, drejtoreshën e Seminarit ndërkombëtar të gjuhë, letërsisë dhe kulturës maqedonase në Universitetin “Shën. Kirili dhe Metodij” – Shkup.
Në këtë takim, Presidentja Siljanovska Davkova u informua mbi aktivitetet përgatitore të Shkollës së 57-të Verore të Seminarit ndërkombëtar për gjuhë, letërsi dhe kulturë maqedonase në UKEM, i cili do të mbahet nën patronatin e saj.
Presidentja Siljanovska Davkova, duke theksuar rëndësinë e këtij manifestimi prestigjioz, si dhe reputacionin e Shkollës verore, theksoi se me aktualitetin, emrat e ligjëruesve, por edhe të studentëve që marrin pjesë, jep një kontribut të madh për shkencën dhe kulturën maqedonase.
Seminari ndërkombëtar për gjuhë, letërsi dhe kulturë maqedonase është themeluar më 22 dhjetor 1967. Deri më tani janë mbajtur 56 shkolla verore dhe tri shkolla dimërore, në të cilat kanë marrë pjesë më shumë se 4000 pjesëmarrës nga mbi 60 vende, midis të cilëve maqedonistë të shquar, profesorë të gjuhës dhe letërsisë maqedonase në universitetet e huaja, sllavistë, ballkanologë, përkthyes, punonjës shkencorë dhe studentë, të cilët e studiojnë gjuhën maqedonase në lektoratet tona dhe universitetet në botë.
