Presidentja Gordana Siljanovska Davkova sot realizoi bisedë telefonike me Presidentin e Republikës së Kroacisë, Zoran Millanoviq.
Në këtë bisedë u konfirmua përkushtimi i të dy shteteve, si dhe përforcimi i bashkëpunimit rajonal, ku presidentët vlerësuan se marrëdhëniet bilaterale janë miqësore, pa çështje të hapura, me dialog të vazhdueshëm politik dhe bashkëpunim konstruktiv.
Të dy bashkëfolësit shprehën gatishmërinë për vazhdimin e bashkëpunimit në suazat e NATO-s, kurse Presidentja Siljanovska Davkova e falënderoi për mbështetjen parimore të Kroacisë për eurointegrimet maqedonase.
Presidentja Siljanovska Davkova dhe Presidenti Millanoviq shkëmbyen mendime mbi bashkëpunimin në planin rajonal dhe multilateral, mbi perspektivat evropiane të vendit tonë dhe gjendjen në rajon.
Në këtë bisedë u fol edhe mbi pozitën e bashkësisë maqedonase në Kroaci dhe të asaj kroate në Maqedoni, ku u vlerësua se të drejtat e pakicave në të dy vendet janë në nivel të lartë dhe se ekziston përgatitje e tërësishme nga të dyja palët për përparimin e tyre të mëtejshëm.
