Presidentja Gordana Siljanovska Davkova sot e mirëpriti në takim lamtumire ambasadorin e Mbretërisë Belge, me seli në Sofje, Frederik Meris.
Në këtë takim u shkëmbyen mendime për marrëdhëniet e përgjithshme bilaterale ndërmjet dy shteteve, ku u vlerësua se karakterizohen nga miqësia dhe gatishmëria reciproke për përparimin e tyre në të gjitha sferat me interes të përbashkët. Në drejtim të dinamizimit të mëtejmë të komunikimit dhe marrëdhënieve të ndërsjella, Presidentja Siljanovska Davkova e rikonfirmoi interesimin nga pala maqedonase për përfaqësim rezident dhe hapjen e ambasadës belge në Shkup.
Në takim u diskutua mbi perspektivat e shtetit për përparimin e proceseve eurointegruese, agjendën e reformave pas formimit të qeverisë së re, si dhe rezultatin e presidencës belge me Këshillin e Bashkimit Evropian, e cila përfundon në fund të muajit. Në këtë kontekst, Presidentja Siljanovska Davkova shprehu mirënjohjen e saj për mbështetjen e përgjithshme të Belgjikës për aspiratat maqedonase për anëtarësim në Bashkimin Evropian dhe njohjen e zgjerimit si interes strategjik të Bashkimit.
Presidentja Siljanovska Davkova e falënderoi ambasadorin Meris për angazhimin dhe kontributin e tij të përgjithshëm diplomatik në zhvillimin e marrëdhënieve maqedonase-belge dhe i uroi suksese të mëtejshme në planin personal dhe profesional.
