Presidentja Gordana Siljanovska Davkova sot e mirëpriti ambasadorin e Republikës së Austrisë, Martin Pamer.
Në këtë takim u bisedua mbi marrëdhëniet e përgjithshme bilaterale, ku u vlerësua se të dyja shtetet kanë marrëdhënie miqësore dhe partneriteti, nëpërmjet zhvillimit të tyre në shumë sfera të interesit të ndërsjellë dhe në këtë drejtim, Presidentja Siljanovska Davkova e theksoi gatishmërinë e saj gjatë mandatit të saj të kontribuojë në përparimin e tyre të mëtejshëm, politik dhe ekonomik.
Presidentja Siljanovska Davkova e theksoi rëndësinë e mbështetjes austriake për aspiratat maqedonase për anëtarësim në Bashkimin Evropian. Ajo shprehu pritshmërinë për një vazhdim pa pengesa të rrugës së integrimit evropian, nëpërmjet një vlerësimi të drejtë të anëtarësimit, të bazuar në Kriteret e Kopenhagës.
Presidentja Siljanovska Davkova theksoi gatishmërinë e saj që të kontribuojë në sigurimin e konsensusit kombëtar për përshpejtimin e agjendës së reformave në të gjitha fushat kritike të theksuara në raportet e Komisionit Evropian.
Ambasadori Pamer e përgëzoi Presidenten Siljanovska Davkova për marrjen e funksionit.
