Presidentja Gordana Siljanovska Davkova sot u takua me prof. dr. Ognen Marina, udhëheqës i Qendrës për hulumtime të përparuara dhe të postdoktoratës në UKEM.
Ky takim u realizua me rastin e aktiviteteve të Qendrës që funksionon nga viti 2023 dhe qëllimi themelor i të cilës është të nxitë hulumtimet e përparuara në fushën e urbanizmit të qëndrueshëm nëpërmjet promovimit të qasjes së integruar dhe multidisiplinare.
Në këtë takim, prof. dr. Marina e argumentoi rëndësinë e madhe të qendrave të tilla për arsim dhe shkencë cilësore, duke i prezantuar përvojat e suksesshme të vendeve të Bashkimit Evropian si edhe nga vendet e rajonit. “Janë të pakontestueshme fitimet praj qendrave të tilla dhe ne duhet t’i shfrytëzojmë praktikat e mira” theksoi prof. dr. Ognen Marina.
Duke i argumentuar planet e kësaj Qendre, prof. dr. Ognen Marina foli edhe për seminarin shkencor me temë “Politikat” për zhvillimin urban, që duhet të mbahet këtë vit.
Presidentja e falënderoi për informacionet e dhëna, e përgëzoi për punën e deritanishme të kësaj Qendre, e theksoi rëndësinë e hulumtimeve të postdoktoratës dhe mori angazhim për ndërtim të mëtejshëm të kapaciteteve për mbështetjen e hulumtuesve dhe inovacioneve.
Bashkëfolësit u dakorduan se studimet e posdoktoratës duhet të normativizohen me Ligjin për arsimin e lartë.
