Presidenti Stevo Pendarovski, në margjinat e Konferencës së Sigurisë së Munihut, u takua me Bernard Emie, drejtor i Drejtorisë së Përgjithshme Franceze për Siguri të Jashtme, DGSE.
Në këtë takim u shkëmbyen mendime dhe informacione mbi zhvillimet aktuale në rajon, sfidat e sigurisë dhe rreziqet potenciale që lidhen me ngjarjet në rajonin më të gjerë.
Presidenti Pendarovski vlerësoi se bashkëpunimi ndërmjet agjencive të sigurisë të vendeve anëtare të NATO-s është me rëndësie të jashtëzakonshme si për sigurinë e Aleancës, ashtu edhe të rajonit dhe të Maqedonisë së Veriut si anëtarja më e re e NATO-s.