Presidenti Stevo Pendarovski sot u takua me Presidentin e Republikës së Kroacisë, Zoran Millanoviq i cili është për vizitë në Republikën e Maqedonisë së Veriut, me rastin e pjesëmarrjes në takimin joformal të liderëve në aleatëve të NATO-s nga rajoni, që po mbahet në Shkup.
Në këtë takim janë shkëmbyer mendime mbi marrëdhëniet e përgjithshme midis dy shteteve, bashkëpunimi në planin rajonal dhe multirajonal, mbi perspektivat evropiane të vendit tonë dhe gjendjet në rajonin e Ballkanit Perëndimor.
Në atë drejtim janë shkëmbyer informacione mbi çështjet e sigurisë në kontekstin më të gjerë, si dhe për agresionin ushtarak rus kundër Ukrainës dhe aktivitetet në rajon.
Të dy bashkëfolësit e konfirmuan përkushtimin për thellimin e miqësisë tradicionale dhe përforcimin e bashkëpunimit rajonal dhe shprehën përgatitjen për vazhdimin e bashkëpunimit konstruktiv në suazat e NATO-s. Presidenti Pendarovski e falënderoi për ndihmën parimore të Kroacisë për eurointegrimet maqedonase.