Presidenti Stevo Pendarovski, me rastin e 5 Nëntorit – Ditës Botërore të Gjuhës Rome, u dërgoi këtë urim përfaqësuesve të bashkësisë rome në Republikën e Maqedonisë së Veriut.
“Gjuha rome është pjesë e kulturës rome që me specifikat e veta është pjesë e mozaikut të shoqërisë sonë multikultutore.
Me festimin e 5 Nëntorit – Ditës Botërore të Gjuhës Rome kontribuojmë në ruajtjen e gjuhës amtare të bashkësisë rome, kultura dhe tradita e së cilës e pasurojnë thesarin e përgjithshëm kulturor në shtetin tonë.
Përpjekjet dhe përkushtimi në sigurimin e kushteve për mbështetje më të madhe institucionale për mësimin, përdorimin dhe ruajtjen e gjuhës rome janë një hap përpara në kultivimin e saj të mëtejshëm.
Gëzuar 5 Nëntorin – Ditën Botërore të Gjuhës Rome!”