Presidenti Stevo Pendarovski, me rastin e festës së madhe të krishterë Shfaqja e Perëndisë – Bekimi i ujit, u dërgoi urime të gjithë qytetarëve të cilët e festojnë festën sipas kalendarit julian, si dhe Kryepeshkopit të Kishës Ortodokse Maqedonase – Kryepeshkopata e Ohrit, Mitropolitit të Shkupit, Kryepeshkopit të Ohrit dhe Maqedonas dhe të Justiniana Primas, z.z. Stefan.
Të nderuar bashkëqytetarë,
Kam kënaqësinë dhe nderin e veçantë t’jua uroj festën e madhe të krishterë Shfaqja e Perëndisë – Bekimi i ujit dhe t’ju dëshiroj përzemërsisht festën ta kaloni para së gjithash në shëndet të mirë, të mbushur me paqe, harmoni dhe me gëzim.
Edhe këtë vit si edhe vitin e kaluar, Shfaqjen e Perëndisë – Bekimin e ujit e festojmë të ballafaquar me epideminë ende të pranishme të kovid-19, si dhe me sfida të shumta ekonomike dhe shoqërore. Bekimi i ujërave maqedonase qoftë mbështetja jonë shpirtërore në tejkalimin e të gjitha vështirësive. Me përulësi dhe me lutje, solidarë dhe të kujdesshëm të ngrihemi mbi të gjitha shqetësimet dhe problemet. T’i mbushim zemrat me shpresë dhe me besim dhe t’u dhurojmë dashuri pa kushte të afërmve.
E gëzofshim dhe qoftë e përjetshme festa Shfaqja e Perëndisë – Bekimi i ujit!
Perëndia u shfaq!
Stevo Pendarovski
