Presidentja Gordana Siljanovska Davkova priti Presidentin zviceran Guy Parmelan, i cili ndodhet sot në një vizitë zyrtare në vend, me ceremoni me nderimet më të larta shtetërore dhe ushtarake.
Presidentët zhvilluan një takim kokë më kokë, ndërsa u mbajt edhe një takim plenar i delegacioneve maqedonase dhe zvicerane.
Bisedimet u fokusuan mbi marrëdhëniet e përgjithshme dypalëshe, me ç’rast bashkëpunimi tredekadësh u vlerësua si miqësor dhe i frytshëm.
Presidentja Siljanovska Davkova falënderoi presidentin zviceran për mbështetjen e tij të vazhdueshme lidhur me integrimin europian të Maqedonisë, si dhe për donacionet e shumta dhe të vlefshme në fusha kyçe si: sundimi i ligjit, përforcimi i institucioneve demokratike, kalimi në energji të gjelbër dhe të ripërtëritshme dhe mbrojtja e burimeve natyrore, veçanërisht ujit.
Ajo shprehu kënaqësi për realizimin e kësaj vizite të parë historike zyrtare të një presidenti zviceran në vend, e cila konfirmoi partneritetin midis dy vendeve.
