Presidenti Stevo Pendarovski, në suazat e pjesëmarrjes në Takimin e 54-t vjetor të Forumit botëror ekonomik në Davos mbrëmë foli në sesionin “Dialogu diplomatik për Ballkanin Perëndimor”.
Në fokusin e debatit ishin perspektivat e zgjerimit të Bashkimit Evropian me vendet e Ballkanit Perëndimor në kontekstin më të gjerë gjeopolitik dhe të sigurisë, përgatitja e tyre për realizimin e reformave, pritjet nga zgjedhjet evropiane, përmirësimi i integrimit ekonomik të rajonit dhe zhvillimi i tij.
Presidenti e riafirmoi nevojën për integrimin e përshpejtuar të vendeve nga Ballkani Perëndimor, që do të ndikojë pozitivisht mbi sigurinë, procesin e përgjithshëm politik dhe agjendën reformuese, si dhe mbi eurooptimizmin në rajon.
Sipas tij, perspektiva për anëtarësim në Bashkimin Evropian nuk nevojitet vetëm për përforcimin e ekonomisë, përparimin e shkëmbimit tregtar dhe përmirësimin e standardit jetësor, por nevojitet edhe integrimi politik në institucionet e Be-së, që do të kontribuojë mbi zhvillimin demokratik, përforcimin e institucioneve, sundimin e të drejtës dhe mediat e lira.
Presidenti Pendarovski theksoi se gjatë krizave shumëdisiplinore, e rëndësishme për stabilitetin e Ballkanit Perëndimor është të kemi prani më të madhe evropiane në rajon.
Midis ligjëruese në këtë sesion ishin edhe Ursulla fon der Lejen, Kryetarja e Komisionit Evropian, ministri Federal për Punë Evropiane dhe Ndërkombëtare i Austrisë, Aleksander Shalenberg, ministri i Punëve të Jashtme i Ukrainës, Dmitro Kuleba, Presidenti i Serbisë Aleksandar Vuçiq, Kryeministri i Kroacisl, Andrej Plenkoviq, Kryeministri i Malit të Zi, Millojko Spajiq, Kryeministri i Kosovës, Albin Kurti, Kryeministri i Gjeorgjisë, Irakli Garibashvili, Kryeministri i Moldavisë, Dorin Recean dhe Mirosllava Llajçak, Përfaqësuesi i posaçëm i Be-së për dialogun Beograd-Prishtinë dhe Ballkanin Perëndimor.
