Presidenti Stevo Pendarovski mbrëmë i mirëpriti pjesëmarrësit e konferencës në nivel të lartë “Agjenda e gjelbër për Ballkanin Perëndimor”, që në organizatë me institutin Aspen nga Gjermania po mbahet në Shkup.
Në këtë takim Presidenti Pendarovski u njoh me programin dhe qëllimet e konferencës, që synon të ofrojë platformë për pjesëmarrësit nga Ballkani Perëndimor, Gjermania, BE-ja, SHBA-ja, si dhe të organizatave ndërkombëtare dhe rajonale të bisedojnë mbi potencialet e agjendës së gjelbër për Ballkanin Perëndimor.
Presidenti Pendarovski, duke e përshëndetur mbajtjen e kësaj konferenca, theksoi se në kohën kur po ballafaqohemi me krizën energjetike dhe turbulencat ekonomike, nuk duhet të harrojmë agjendën e gjelbër. Presidenti vlerësoi se konferenca është mundësi e mirë për diskutim dhe identifikim të sfidave dhe potencialeve kryesore në bashkëpunimin rajonal, si faktor për rajon stabil dhe me prosperitet, si dhe nevojën për përparimin e tij të vazhdueshëm. Aspekt i rëndësishëm në atë kontekst, sipas Presidentit, është perspektiva për integrim të rajonit në Bashkimin Evropian.
