Presidenti Stavo Pendarovski në suazat e pjesëmarrjes në Asamblenë e Përgjithshme të 78-të të Kombeve të Bashkuara në Nju-Jork, dje pasdite mori pjesë në takimin të cilin për liderët e vendeve të Ballkanit Perëndimor e organizoi nënkryetari i Komisionit Evropian dhe përfaqësuesi i lartë për politikë të jashtme dhe të sigurisë të Bashkimit Evropian, Zhozep Borel.
Në këtë takim u fol mbi gjendjet aktuale dhe perspektivat evropiane të vendeve të Ballkanit Perëndimor, mbi proceset e reformave që po zhvillohen, si edhe mbi rrjedhat politike dhe ekonomike në rajon në kontekst të ngjarjeve gjeopolitike.
Në këto bisedime u fol mbi domosdoshmërinë e realizimit të shpejtë të vendimeve strategjike në raport me politikën e zgjerimit dhe integrimit të Ballkanit Perëndimor në Bashkimin Evropian në interes të sigurisë, stabilitetit dhe përparimit të rajonit dhe njëkohësisht ruajtjen e kredibilitetit të BE-së.
Njëkohësisht, bashkëfolësit shkëmbyen informacione edhe rreth masave dhe aktiviteteve që po ndërmerren në suazat e politikës së përbashkët të jashtme dhe të sigurisë në BE, si përgjigje ndaj invazionit ushtarak rus mbi Ukrainën.
