Presidenti Stevo Pendarovski, i cili është në vizitë zyrtare në Republikën e Kroacisë, në varrezat “Mirogoj” në Zagreb vendosi kurorë dhe bëri homazh pranë varrit të revolucionarit dhe nënkryetarit të Presidiumit të KAÇKM-së, Panko Brashnarov.
Presidenti Pendarovski u njoh me përpjekjet për kthimin e eshtrave të Brashnarovit në vendlindjen e tij, në Veles.
Në pllakën përkujtimore, të vendosur nga Komuna e Velesit, shkruhet; “Burimi jetëdhënës i lirisë nuk shteroi”, fragment nga fjalimi përshëndetës i Panko Brashnarovit, mbajtur më 2 gusht 1944, në Mbledhjen e Parë të KAÇKM-së në Manastirin “Shën. Prohor Pçinski”.
