Presidenti Stevo Pendarovski dhe bashkëshortja Elizabeta Gjorgievska sot morën pjesë në manifestimin kulturor-skenik “Dasma e Galiçnikut”, që mbahet tradicionalisht me mbështetje të tij.
Presidenti Pendarovski i uroi të rinjtë e sivjetshëm, Oliver Andreevski dhe Elisaveta Bulloska. Duke u dhuruar “paftë galiçnikase” – me motiv të kostumit tradicional galiçnikas, u uroj fat, bereqet, dashuri dhe harmoni në jetën e tyre të ardhshme të përbashkët.
Presidenti shprehu kënaqësinë që ende ekziston një interes kaq i madh te të rinjtë në vend që të jenë pjesë e Dasmës së Galiçnikut duke e vazhduar këtë traditë shekullore maqedonase.
Njëkohësisht, bëri urime edhe për kultivimin prej gjashtë dekadash të këtij manifestimi i cili i feston zakonet autentike të dasmave dhe këngët dhe vallet burimore, si dhe është trashëgimi e gjallë kulturore dhe shenjë e qëndrueshme e identitetit.
“Dasma e Galiçnikut” filloi zyrtarisht dje me vendosjen e bajrakut të dasmës dhe aktin simbolik “të shtënies me tri pushkë” nga shtëpia e dhëndrit. Sot u shënuan zakonet tradicionale të dasmës, kurse të rinjtë vunë kurorë në katedralen “Shën. Apostuj Petar dhe Pavle”.