Bashkëshortja e presidentit, znj. Elizabeta Gjorgievska, sot mori pjesë në diskutimin panel me rastin e shënimit të Ditës Evropiane për Ngritjen e Vetëdijes mbi Fibrozën Cistike të titulluar: “Fibroza Cistike: jashtë betejës sonë”.
Në këtë panel u diskutua mbi sfidat për trajtimin dhe mjekimin e personave me fibrozë cistike, mbi funksionimin e Qendrës për Fibrozë Cistike dhe mbi luftën e bashkësisë për qasje në terapinë modulare dhe te medikamentet e tjera të nevojshme, në përputhje me protokollet evropiane.
Znj. Gjorgievska në fjalimin e vet i përgëzoi të gjitha institucionet kompetente dhe të involvuara për përpjekjet e tyre, duke thënë se është i domosdoshëm angazhim i përbashkët dhe zgjidhje sistematike për personat që luftojnë me fibrozën cistike, si dhe me sëmundjet e tjera të rralla.
“Personat me fibrozë cistike janë pjesë e përditshmërisë sonë. Nevojitet kujdes dhe vëmendje më e madhe për ta gjatë gjithë vitit. Për këtë qëllim është e domosdoshme të ngrihet vetëdija më e gjerë publike e shoqërisë sonë, empati, solidaritet më i madh, jo vetëm nga familjet por edhe nga e gjithë bashkësia”, rekomandoi në këtë fjalim bashkëshortja e presidentit.
Znj. Gjorgievska tha se falë zhvillimit të mjekësisë është bërë një përparim i theksuar. “Përditë ka përparim në zhvillimin e terapisë, mjekësia zhvillohet shumë shpejt. Zhvillimi i shkencës na mundëson ta zgjatim jetën e të gjithë pacientëve. Vitet e fundit është bërë një hap enorm në trajtimin, protokollet tona janë harmonizuar me ato evropianet dhe ne nuk mbeti pas me terapinë e zbatuar, megjithatë duhet të luftojmë të zbatojmë gjithçka që është e re. Të prokurohen sa më shumë të jetë e mundshme medikamente të reja, më të mira dhe më efikase”, theksoi znj. Gjorgievska.
Mbi cilësinë e jetës së pacientëve me fibrozë cistike dhe mbi sfidat me të cilat ballafaqohen, përvojën e vet personale e tregoi Ivana Atanasovska.
Duke shprehur mbështetje për Asociacionin për fibrozë cistike, znj. Gjorgievska theksoi se shkëmbimet e dëshmive individuale është një nga mënyrat që të preket opinioni më i gjerë dhe të ngrihet vetëdija publike. Ajo shtoi se trajtimi dhe kujdesi për personat me sëmundje të rralla është test për institucionet tona, për ne si bashkësi dhe për të gjithë ne si individë dhe për të gjithë shoqërinë.
Në këtë diskutim panel mori pjesë edhe ambasadori Дејвид Гир, shefi i Delegacionit të BE-së në Maqedoninë e Veriut, dr. Nikolla Brzanov, kryetar i Klubit të mjekëve të rinj, dr. Tanja Jakoska, udhëheqësi i Qendrës për fibrozë cistike dhe znj. Natasha Novakovska, themeluese e Asociacionit për fibrozë cistike. Mbi perspektivën e mjekëve të rinj dhe sfidat mbi kujdesin për pacientët me fibrozë cistike, foli mjekja e re Elena Gjinoska.
Fibroza cistike është një prej sëmundjeve të rralla më të shpërhapura në vendin tonë, me të cilën jetojnë rreth 130 pacientë.
Ky debat është organizuar në partneritet me Klubin e mjekëve të rinj, me pjesëmarrje të Asociacionit të specializantëve dhe mjekëve të rinj dhe të Shoqatës së studentëve të mjekësisë.
