Presidenti Stevo Pendarovski sot e mirëpriti Olta Xhaçkën, ministren e Evropës dhe të Punëve të Jashtme të Republikës së Shqipërisë, e cila po qëndron në vizitë zyrtare në Republikën e Maqedonisë së Veriut.
Në këtë takim u shpreh kënaqësia për dialogun e vazhdueshëm politik dhe zhvillimin e përgjithshëm të marrëdhënieve bilaterale midis dy shteteve, të cilat këtë vit shënojnë tri dekada nga vendosja e marrëdhënieve diplomatike.
U shkëmbyen mendime dhe informacione mbi rrjedhën e skriningut bilateral nga Bashkimi Evropian në të dyja shtetet.
Në këtë takim u theksua se si aleatë në NATO, të dy shtetet janë të gatshme për pasurimin e bashkëpunimit të ndërsjellë, me qëllim që të ketë kontribut më aktiv mbi sigurinë në rajon edhe më gjerë.
Presidenti Pendarovski dhe ministrja Xhaçka biseduan edhe mbi gjendjet në rajon, me fokus në dialogun Beogrd-Prishtinë në raundin e fundit të bisedimeve në Ohër, si dhe mbi ngjarjet në rajonin më të gjerë në kontekst të agresionit rus mbi Ukrainën.
