Presidenti Stevo Pendarovski sot i mirëpriti përfaqësuesit e Shoqatës rinore të të shurdhërve dhe të personave me dëmtim të dëgjimit “Shenjë e re”, Shkup.
Në këtë takim anëtarët e shoqatës e informuan mbi aktivitetet dhe iniciativat aktuale në drejtim të realizimit të të drejtave themelore të njeriut për individët mjeti themelor për komunikim është gjuha e shenjave. Në këtë drejtim i theksuan barrierat ende të pranishme me të cilat ballafaqohen gjatë përfshirjes në proceset shoqërore, sidomos qasjen e kufizuar në shërbimet shëndetësore, si sfidë themelore që kërkon zgjidhje gjithëpërfshirëse të qëndrueshme.
Përfaqësuesit e “Shenjë e re” e falënderuar Presidentin Pendarovski për kontributin e tij personal në ngritjen e vetëdijes publike dhe afirmimin e të drejtës së gjuhës së shenjave.
Duke shprehur mbështetjen për angazhimet e shoqatës rinore, Presidenti e theksoi rëndësinë e proaktivitetit institucional dhe përgjegjësinë individuale, si parakushte themelore për një jetë me dinjitet të çdo qytetari.
