Presidenti Stevo Pendarovski sot e mirëpriti kryetarin e Bashkësisë hebraike, Pepo Levi.
Në këtë takim, Presidenti Pendarovski u informua për aktivitetet dhe projektet aktuale të Bashkësisë hebraike në fushën e arsimit dhe kulturës për bashkëpunimin që e kanë me institucionet shtetërore dhe me Fondin e holokaustit, si dhe për angazhimet dhe planet e tyre të ardhshme.
Presidenti Pendarovski e riafirmoi përpjekje e tij personale për përparimin e mëtejshëm të bashkëpunimit me bashkësinë hebraike, nëpërmjet mbështetjes së aktiviteteve të tyre, festimin e përbashkët të festave hebraike dhe ruajtjen dhe afirmimin e kulturës, traditës dhe zakoneve të hebrenjve maqedonas.
Në këtë takim u fol edhe mbi gjendjen aktuale në shtet në planin e brendshëm dhe të jashtëm, si edhe për kontributin e bashkësisë hebraike në zhvillimin dhe përparimin e përgjithshëm të shoqërisë maqedonase.