Presidenti Stevo Pendarovski sot e mirëpriti Zara Nazarian, Sekretaren e përgjithshme të Unionit të gazetarëve frankofonë, e cila është në Republikën e Maqedonisë së Veriut, me rastin e formimit të Shoqatës frankofone të gazetarëve maqedonas si anëtare e plotfuqishme në Shoqatën ndërkombëtare frankofone.
Në këtë takim, Sekretarja e përgjithshme Nazarian e informoi Presidentin Pendarovski mbi aktivitetet aktuale të Unionit të gazetarëve frankofonë dhe mbi përpjekjet për promovim të shumëllojshmërisë kulturore dhe gjuhësore, si dhe të vlerave evropiane mbi lirinë e fjalës si një nga përfitimet themelore të shoqërive demokratike.
Presidenti Pendarovski duke e përshëndetur formimin e Shoqatës frankofone të gazetarëve në Maqedoninë e Veriut e theksoi rëndësinë e anëtarësimit të gazetarëve maqedonas në këtë Union, si mundësi për bashkëpunim institucional në suazat e Bashkimit Evropian, si edhe për shkëmbim të përvojave në drejtim të zhvillimit të vazhdueshëm të vlerave etike dhe të standardeve dhe parimeve profesionale.
