Presidenti Stevo Pendarovski do të qëndrojë në Podgoricë, Malin e Zi, ku do të marrë pjesë në Samitin e Shefave të shteteve dhe qeverive të vendeve anëtare të Procesit për bashkëpunim në Evropën Juglindore (PBEJL).
Presidenti Pendarovski, nesër më 27 qershor 2023, e martë do të mbajë fjalim në Seancën plenare të takimit të shefave të shteteve dhe qeverive, kurse do të mbajë edhe konferencë të përbashkët për shtyp me Presidentin malazez Jakov Millatoviq, në cilësinë e presidentëve të vendeve të cilët janë kryesues aktual dhe i ardhshëm me PBEJL-në. Kryesimi i Republikës së Maqedonisë së Veriut me Procesin për bashkëpunim në Evropën Juglindore fillon më 1 korrik 2023.
