Presidentja Gordana Siljanovska Davkova sot i mirëpriti Daniel Braun, përfaqësues zyrtar i Fondacionit Konrad Adenauer në Shkup dhe menaxherin e projektit Davor Pashovskin.
Në këtë takim u bisedua mbi aktivitetet dhe projektet e Fondacionit Konrad Adenauer të fokusuara në promovimin e demokracisë, sundimit të ligjit, zhvillimit ekonomik dhe përforcimit të shoqërisë qytetare. Presidentja Siljanovska Davkova shprehu kënaqësinë për mbështetjen e përgjithshme të Fondacionit dhe bashkëpunimin e frytshëm në këto fusha, si një nga parakushtet kryesore për integrimet evropiane maqedonase.
Duke iu referuar kontributit të vazhdueshëm të Fondacionit në organizimin e trajnimeve, konferencave dhe debateve kushtuar të rinjve, Presidentja e theksoi gatishmërinë për thellimin e mëtejshëm të bashkëpunimit në proceset reformuese të vendit dhe në harmonizimin me standardet evropiane
