Të premten e kaluar më 26.05.2023 i pranova pesë ligjet për ndryshim dhe plotësim të ligjeve ekzistuese, kurse përmbajtja e të cilave ka të bëjë me ndërtimin e korridoreve 8 dhe 10D, në opinion të njohura si ligje për projektin e shtetit me konsorciumin amerikano-turk “Behtel-Enka”.
Ligjet të cilat janë miratuar me shumicën e caktuar në Kuvend, kurse dekretet për shpalljen e të cilave mbërritën tek unë janë si vijon:
- Ligji për ndryshim dhe plotësim të Ligjit për marrëdhënie pune
- Ligji për ndryshim dhe plotësim të Ligjit për shpronësim
- Ligji për ndryshim dhe plotësim të Ligjit për ndërtim
- Ligji për ndryshim dhe plotësim të Ligjit për planifikim urbanistik
- Ligji për ndryshim dhe plotësim të Ligjit për përcaktim të interesit publik dhe nominim të partnerit strategjik për zbatim të projektit për ndërtim të korridoreve 8 dhe 10D.
Javët e kaluar në opinion u zhvillua një debat legjitim në lidhje me përmbajtjen e këtyre ligjeve, kurse për njërin prej tyre dhe kushtetutshmëria e tij duke pasur parasysh vendimin e Gjykatës Kushtetuese nga viti i kaluar.
Duke mos e kontestuar të drejtën legjitime të debatit gjithëpërfshirës për këtë ligj, duke përfshirë edhe këto, dua të theksoj se debati nga një numër i vogël subjektesh është shfrytëzuar për zmadhim edhe të polarizimit edhe kështu të lartë në shoqërinë tonë që e largoi fokusin nga pyetjet e vërteta që lidhen me këto ligje. Përkatësisht në vend që diskutimi të ishte për përfitimet dhe rreziqet e mundshme në këtë projekt, debati publik u shndërrua në diskutim mbi orientimet dhe aspiratat tona strategjike euroatlantike.
Në lidhje me Ligjin për ndryshim dhe plotësim të Ligjit për marrëdhënie pune dua ta informoj opinionin se teksti i ligjit të miratuar nuk e përmban dispozitën e kontestuar nga Gjykata Kushtetuese e cila parashikonte që “orari i punës për çdo punëtor mund të jetë mesatarisht 60 orë në javë gjatë gjithë vitit”.
Në muajt e kaluar dhashë disa deklarata se nuk do të nënshkruaj dekret për shpallje të ligjit përmbajtja e të cilit është kontestuar paraprakisht nga Gjykata Kushtetuese dhe në këtë drejtim teksti i ri i ligjit nuk e përmban formulimin “60 orë pune në javë”.
Në ditët e kaluar bëra një sërë konsultimesh në lidhje me kushtetutshmërinë e tekstit të ri të Ligjit me ekspertë nga fusha e të drejtës së punës, me ish-gjykatës nga Gjykata Kushtetuese dhe me këshilltarët në kabinetin tim.
Pas përmbledhjes së mendimeve të ndryshme mora vendim ta nënshkruaj Dekretin për shpalljen e këtij ligji dhe të katër ligjeve të tjera.
Megjithatë, duke pasur parasysh ankesa nga një pjesë e sindikatave, një pjesë e organizatave qytetare që punojnë në këtë sferë, si dhe të disa partive politike them se çdo palë e interesuar ka të drejtë të ngrejë iniciativë për vlerësim të kushtetutshmërisë së çdo ligji, duke përfshirë edhe këtë ligj.
Gjykata Kushtetuese është institucioni i vetëm në rendin tonë juridik që ka fjalën e fundit në lidhje me kushtetutshmërinë e ligjeve.
Gjykata Kushtetuese posedon edhe mekanizma me të cilët mund të marrë vendim përkatës të shpejtë edhe efikas, nëse kështu konsiderojnë gjykatësit e Gjykatës Kushtetuese.
Jashtë nga kjo temë, dua fare shkurtimisht ta përshëndet punën e Komisionit të formuar nga ekspertë, të formuar me propozim të Qeverisë, në suazat e Ministrisë së Drejtësisë, i cili në një afat të shkurtër kohor e përpiloi propozim-iniciativën për ndryshimet kushtetuese, të cilat i dërgoi në Qeveri. Them, për një kohë të shkurtër, bëri në punë të mirë, punë të vlefshme, punë cilësore, sepse, e dini, ai komision ishte i rrethuar jo më me pak emocione nga ai që debatuam më parë, kushte ndikime të ndryshme mbi punën e tij. Në fund, kur keni 24-25 anëtarë në një komision, për një çështje të tillë emocionale është e qartë se ka mundësi që debati të marrë një drejtim krejtësisht tjetër dhe të mos e përfundoni punën, në një opsion me javë dhe muaj, kurse tjetri është brenda të keni propozime të cilat nuk përputhen me përfundimet e Kuvendit, të parlamentit tonë, të cilat janë të vetmet autoritative dhe praktikisht janë burim i legjitimitetit për formimin dhe punën e këtij komisioni, të cilat janë miratuar vitin e kaluar dhe kanë të bëjnë me kornizën negociuese evropiane.
